Nach Ga Ghuma / नाच ग घुमा कशी मी नाचू ?
| नाच ग घुमा कशी मी नाचू ? | |
| ह्या गावचा, त्या गावाचा सोनार न्हाई आला | |
| जोडवी न्हाई मला कशी मी नाचू ? | |
| नाच ग घुमा | |
| ह्या गावचा, त्या गावाचा शिंपी न्हाई आला | |
| चोळी न्हाई मला कशी मी नाचू ? | |
| नाच ग घुमा | |
| ह्या गावचा, त्या गावाचा कासार न्हाई आला | |
| बांगडी न्हाई मला कशी मी नाचू ? | |
| नाच ग घुमा | |
| फू बाई फू फुगडी चमचम करतीया बुगडी | |
| पाट बाई पाट चंदनाचा पाट | |
| पतीदेव बघतात माडीवर वाट | |
| बारा घरच्या बायका एक जागी मिळू या | |
| चला झिम्मा खेळू या ग चला झिम्मा खेळू या | |
| लेक बोलते लाडकी घरी गोकुळ साजणी | |
| वसुदेव देवकीचा कान्हा खेळतो अंगणी | |
| बाळ नवसाचा माझा त्याची दृष्ट काढू या | |
| चला झिम्मा खेळू या ग चला झिम्मा खेळू या | |
| घुमू दे घागर घुमू दे खेळात जीव ह्यो रमू दे | |
| गडनी घागर फुकतीया, मागं नि म्होरं झुकतीया | |
| नाचून बाई माझी दमू दे, खेळात जीव ह्यो रमू दे | |
| घुमू दे घागर घुमू दे खेळात जीव ह्यो रमू दे | |
| पोरी पिंगा ग पोरी पिंगा ग पोरी पिंगा ग पोरी पिंगा | |
| तुझ्या पिंग्यानं मला बोलिवली रात जागवली पोरी पिंगा | |
| फेटा बांधल्याला भाऊ माझा ग जावई तुझा ग पोरी पिंगा | |
| तुझ्या पिंग्यानं मला बोलिवली झोप चाळिवली पोरी पिंगा ग | |
| शालू नेसल्याली भैन माझी ग सून तुझी ग पोरी पिंगा | |
| तुझ्या पिंग्यानं मला बोलावली मागं घालिवली पोरी पिंगा | |
| भाऊ माझा शोभ राजा ग अगं जा जा ग पोरी पिंगा | |
| तुझ्या पिंग्यानं मला बोलावली मला भुलिवलं पोरी पिंगा | |
| तुझ्या भावाचं डोळं चकणं ग रूप हेकणं ग पोरी पिंगा | |
| भैन माझी ग लेक इंद्राची कोर चंद्राची पोरी पिंगा | |
| तुझ्या बहिणीचं नाक नकटं ग त्वांड चपटं ग पोरी पिंगा | |
| माझ्या भावाचा भारी दरारा पळती थरारा सारे पिंगा | |
| भाऊ तुझा ग भितो झुरळाला काळ्या उंदराला पोरी पिंगा | |
| भैन माझी ग जशी कोकिळा गाते मंजुळा पोरी पिंगा | |
| तुझ्या भैनीचं काय नरडं ग कावळं वरडं ग पोरी पिंगा | |
| अशा भैनीला कोण आणणार कशी नांदणार पोरी पिंगा | |
| भैन माझी ग जाईल बावरून घेई सावरून पोरी पिंगा | |
| तुझ्या पिंग्यानं मला बोलिवलं लुगडं नेशिवलं पोरी पिंगा |
Comments
Post a Comment